መከላኸሊ ጽግያት

ሞዴስ (Binda)

ሞዴስ ነቲ ደም ይመጽዮ።  እቲ ሞዴስ ኣብ ሙታንቲ ይኸውን።  ነቲ ሞዴስ ኣብ ቦትኡ ዝሕዞ ብሓደ ወገኑ  ኮላ ኣለዎ።    ዝተፈላለየ  ዓቐን ሞዴስ ኣሎ።   ዝበዝሓ ደቂ ኣንስትዮ ኣብተን ቀዳሞት መዓልታት ጽግያት ደጋጊመን ሞዴስ ምቕያር የድልየን።  ነቲ ሞዴስ ንነዊሕ ግዜ እንተ ተጠቂምኩሉ ክጨኑን ከዝሩቕን ይጅምር።

እዚ ከም ሞዴስ ኴይኑ ግና ንእስ ዝበለ እዩ።  ኣብ ምውዳእ ናይ ጽግያት ቍሩብ ደም ጥራይ ኣብ ዝመጸሉ ጊዜ ክትጥቐምሉ ትኽእሊ። ገሊኣተን ምናልባት ታምፖን ምስ መልአ ደም ናብ ሙታንቲ ከይዞርቕ ኣብ ልዕሊ ታምፖን ንእስ ዝበለ ሞዴስ ይጥቐማ። 

ሓደ ታምፖን ኣብ ውሽጢ ብልዕቲ ተእትውዮ።  እዚ ደም ንግዳም ንኸይወጽእ ይመጽዮ።   ታምፖን ጌርኪ ክትሕጸብን ስፖርት ክትገብርን ትኽእሊ።

ዝተፈላለየ  ዓቐን  ኣሎ። እንተ ብዙሕ ትደምዪ ኾይንኪ ዓቢ ታምፖን ተጠቐሚ። ዋላ ጾታዊ ርክብ ጌርኪ ዘይትፈልጢ ኩኒ ታምፖን ክትጥቐሚ ትኽእሊ ኢኺ።

ኣብ ከክንደይ ግዜ ታምፖን ክቕይር ኣሎኒ?

ታምፖን ብደም ክመልእ ጀሚሩ ኣብ ትብልሉ ግዜ ቐይርዮ። ሽዑ ነታ ገመድ ክትስሕብያ ከለኺ ብቐሊሉ ክወጽእ ይኽእል። እንተ ንምውጻእ ተሪሩ ግን ንቑጽ ኣሎ ማለት ስለ ዝኾነ ምቕያር ኣየድልየክን እዩ።

ታምፖን ምስ ኣውጻእክዮ ኣብ ናይ ሽቓቕ ወረቐት ጠቕሊልኪ ኣብ ናይ ወረቓቕቲ ጎሓፍ ደርብይዮ። 

ታምፖን ኣብ ግዜ ለይቲ ክትጥቀምሉ ትኽእሊ ኢኺ።  ክትድቕሲ ከለኺ ግበርዮ፣ ኣብ ዝተሳእክሉ ከኣ ቀልጢፍኪ ቐይርዮ።  ታምፖን ጌርኪ ክትሕምብሲ ወይ ክትሕጸቢ ትኽእሊ ኢኺ።  ተሓጺብኪ ወይ ሓንቢስኪ ምስ ወዳእኪ ቀይርዮ።

ታምፖን ምውጻእ ክኣቢ ይኽእል’ዶ?

ታምፖን ምውጻእ ክኣቢ ብጣዕሚ ዘይልሙድ እዩ።  ኣብ ኣእጋርኪ ኮፍ ኢልኪ ኣጻብዕኪ ኣእቲኺ  ነቲ ገመድ ወይ ነቲ ታምፖን ሒዝኪ ስሓብዮ። እቲ ታምፖን ምውጻእ እንተ ኣብዩኪ ኣብ ungdomsmottagning ካብ መሕረሲት ሓገዝ ክትረኽቢ ትኽእሊ ኢኺ።

ኩባያዊ ሞዴስ ካብ ልስሉስ ጎማ እዩ ዝስራሕ ንብዙሕ ዓመታት ድማ ከገልግል ይኽእል። 

ኣብ ውሽጢ  ብልዕትኺ ኢኺ ተእትውዮ እቲ ደም ከኣ ኣብታ ኩባያ  ይተርፍ።  ኩባያዊ ሞዴስ ካብ ሞዴስ ወይ ታምፖን ንላዕሊ ደም ክሕዝ ይኽእል። 

ኩብያዊ ሞዴስ ጌርኪ ክትሕጸቢ ትኽእሊ ኢኺ።

ንኩባያ ሞዴስ ብኸምዚ ኣገባብ ትጥቀምሉ

እቲ ገፊሕ ክፋሉ እዩ ቀዲሙ ዝኣቱ። ነእጋርኪ ፍንትት ኣቢልኪ ተዀይጥኪ ኮፍ እንተ ኢልኪ ብቐሊሉ ክኣትወልኪ ይኽእል።

• የእዳውኪ ተሓጸቢ።
• በታ ኩባያዊ ሞዴስ ዘይሓዘት ኢድኪ ንኸንፈር ብልዕትኺ ጋልህዮ።
•  ንኩባያዊ ሞዴስ ጭፍልቕ ኣቢልኪ ናብ ውሽጢ ብልዕቲ ኣእትውዮ። ሽዕ ባዕሉ ንከፋት ምሉእ ብምሉእ ንምዕባስ ቕርጺ
  ብጻብዕኪ ነቲ በቲ ሓደ ጫፍ ዘንጊ ክትድህስስዮ ክትክእሊ ኢኺ ግን ንግዳም ክወጽእ የብሉን።

ንኩባያ ሞዴስ ምውጻእ፡ ምኽዓውን ምቕማጥን

ንኸተውጽእዮ በቲ መትሓዚ ስሓብዮ። ነቲ ደም ኣብ ሽቓቕ ክትክዕውዮ ትኽእሊ ኢኺ።

መብዛሕትኡ ግዜ ነቲ ኩባያ ሞዴስ ንመዓልቲ ኣስታት ክልተ ግዜ ክትክዕውዮ እኹል እዩ። ይኹን’ምበር ኣብተን ቀዳሞት መዓልታት ብዙሕ እንተ ደሚኺ፡ ካብኡ ዝበዝሓ ግዜ ምኽዓዉ ከድልየኪ ይኽእል እዩ።

ነቲ ኩባያ ተመሊሲኪ ቅድሚ ናብ ርሕምኺ ምእታውኪ ብዝሑል ወይ ውዑይ ማይ ሕጸብዮ።

ጽግያት ምስ ወዳእኪ ነቲ ኩባያ ሞዴስ ብሳሙናን ማይን ሕጸብዮ። ድሕሪኡ ንሓሙሽተ ደቓይቕ ኣብ ማይ ኣፍልሕዮ። ኣብ ናይ ጨርቂ ከረጺት ወይ ኣየር ዘለዎ ፕላስቲክ ገርኪ ንኣብነት ኣብ ክፍሊ መሕጸብ ሰብነት ዘሎ ከብሒ ኣቐምጥዮ።